Aktiaateqarluni piginneqataassuteqarlunilu ingerlatseqatigiiffiit inuussutissarsiorsinnaanermut allagartartaarsinnaanerannut piumasaqaatit pillugit Namminesornerullutik Oqartussat nalunaarutaat nr. 20, 1. juni 2001-imeersoq.
Kalaallit Nunaanni namminersorluni inuutissarsiuteqarneq pillugu Inatsisartut inatsisaanni nr. 8, 16. november 1984-imeersumi, Inatsisartut inatsisaatigut nr. 2, 31. maj 2001-imeersukkut allanngortinneqartumi, § 4, imm. 3 malillugu aalajangersarneqarput:
Atuuffia
§ 1. Nalunaarut manna atuuppoq aktiaateqarluni piginneqataassuteqarlunilu ingerlatseqatigiiffinnut Erhvervs- og Selskabsstyrelsimi nalunaarsorneqarsimasunut.
Inuussutissarsiorsinnaanermut allagartaq
§ 2. Qinnuteqaateqartoqareerneratigut inuussutissarsiorsinnaanermut allagartaq aktiaateqarluni piginneqataassuteqarlunilu ingerlatseqatigiiffimmut Erhvervs- og Selskabsstyrelsimi nalunaarsorneqarsimasumut tunniunneqassaaq:
1) pisortaatitani ilaasortat amerlanerussuteqartut Kalaallit Nunaanni najugaqartuuppata,
2) pisortat siulersuisunilu ilaasortat nammineersinnaatitaappata imaluunniit inuussutissarsiummik inuussutissarsiorsinnaanermut allagartamik piumasaqaatita- qarfiusumut nammineerluni ingerlatsinissamut nammineersinnaatitaanermik inatsit malillugu akuerineqarsimappata akiliisinnaajunnaarsimanngippatalu.
Atortuulernera
§ 3. Nalunaarut ulloq 1.juni 2001 atuutilerpoq.
Namminersornerullutik Oqartussat, ulloq 1. juni 2001
Simon Olsen/
Jørn Birk Olsen